Cyfeillion Amgueddfa Genedlaethol Cymru

Roedd yr arlunwyr Cymreig enwog Gwen ac Augustus John yn chwaer a brawd, ond dilyn llwybrau tra gwahanol i’w gilydd a wnaeth eu llwybrau artistig. Bydd Dr McIntyre, sy’n Guradur hŷn ar Brintiau a Lluniadau yn Amgueddfa Cymru Caerdydd yn trafod y cyffelybiaethau a’r gwahaniaethau mewn sgwrs a fydd yn priodi ā’r arddangosfa yn Oriel 13 ‘Ffocysu ar Augustus John’. Bydd yr arddangosfa yn cynnwys lluniadau ac ysgarthiadau o gasgliadau presennol yr Amgueddfa o waith yr arlunydd, yn ogystal ā benthygiadau o gasgliad preifat pwysig.

A hwythau wedi eu magu yn Ninbych-y-pysgod, aeth y ddau, Gwen (i876-1939) ac Augustus (1878-1961) yn fyfyrwyr i’r Ysgol Slade, Llundain, yn y 1890au. Erbyn iddo gyrraedd 25 oed Augustus oedd arlunydd cyfoes amlycaf Prydain yn ei ddydd. Cāi ei ddawn ei gymharu ag eiddo Michelangelo, Gauguin a Matisse. Enillodd hefyd statws chwedlonol am ei fuchedd fohemaidd a’i gylch ffrindiau enwog. Yn gyferbyniol, dim ond yn gymharol ddiweddar y cafodd dalentau Gwen eu cydnabod. Mae ei thechneg ofalus ynghyd ā’i phalet cynnil o borffor golau a llwydlas yn gwbl wahanol i’r brafwra llachar sy’n nodweddu lliwiau Augustus. Nodir hefyd ei pherthynas angerddol ā Rodin ym Mharis.

Y tāl mynediad, i gynnwys coffi a bisgedi yn Ystafelloedd Oriel ar ōl y sgwrs, yw £8 i’r Cyfeillion sydd yn archebu ymlaen llaw, neu £10 wrth y drws.

Er mwyn manteisio ar y gostyngiad tāl, llenwch y daflen isod, os gwelwch yn dda, a’i hanfon gyda’ch siec erbyn dydd Mercher 20 Ionawr at:
Gwen Williams, 57 Beulah Road, Rhiwbina, Caerdydd CF14 6LU
(ffōn: 029 2062 0094 / 07802 437316; ebost: gwendolynw@tiscali.co.uk).

Noder: os byddwch yn anfon cais am fwy nag un digwyddiad, anfonwch siec ar wahān am bob un, os gwelwch yn dda.

I arbed costau postio, ni fydd cydnabod. Gwnewch ymdrech i ddod – a dewch ā’ch ffrindiau hefyd, gan fod y digwyddiad yn agored i’r cyhoedd am dāl o £10 (ymlaen llaw neu wrth y drws). Bydd croeso cynnes iddynt.

Cyfeillion Amgueddfa Cymru

Sgwrs gan Dr Beth McIntyre: ‘Augustus and Gwen John, United and Divided by their Art’

Dydd Sadwrn Ionawr 23 2016 am 10.30yb
yn Narlithfa Reardon Smith, Amgueddfa Cymru, Parc Cathays, Caerdydd

Carwn archebu ..……… (l)le ar gyfer y digwyddiad uchod. Amgaeaf siec am £ ………. (yn daladwy i Cyfeillion Amgueddfa Cymru).

Enw(au) ………………………………………………………………………………………………

Cyfeiriad ……………………………………………………………………………………………….

Cod post …...………………. Ffōn ………………………. Ebost …………………………………

Lawrlwytho'r manylion hyn a ffurflen archebu (rhaid i chi fod yn Gyfaill i dderbyn y pris gostyngedig)