Cyfeillion Amgueddfa Genedlaethol Cymru

Mae David Petersen, mab ieuengaf Jack Petersen, y Cymro cyntaf i fod yn Bencampwr pywsau trwm Prydain, yn enwog am ddylunio ac adeiladu'r Ddraig Goffa i'r 38ain Adran Gymreig yn Mametz Wood ym Mrwydr y Somme ym 1916. Mae'r gofeb o ddraig goch yn dal wifr bachog, wedi'i osod ar garreg sylweddol wedi'i leoli ar safle'r frwydr yng ngogledd Ffrainc.

Mae'n adnabyddus hefyd, am ennill y gystadleuaeth i wneud Cerflun Cenedlaethol Goleuo'r Mileniwm ar gyfer dathliadau'r mileniwm. Gosodwyd y cerflun dur di-staen mawr yn gyntaf ar borth Neuadd Ddinas Caerdydd.

Bu David yn gweithio yng ngwaith dur GKN yng Nghaerdydd cyn astudio celfyddyd gain yng Ngholeg Celf Casnewydd. Mae'n aelod etholedig o Academi Frenhinol y Cambria ac wedi gwasanaethu fel cadeirydd Cymdeithas Artistiaid Gofwyr Prydain. Bu'n ddarlithydd llawn amser mewn nifer o Golegau Celf yma yng Nghymru a Llundain, ac mae wedi darlithio'n rhyngwladol yn America, Canada, Rwsia, yr Almaen, Sbaen a Ffrainc. Mae wedi rhedeg ei stiwdios ei hun yng Nghymru ers sawl blwyddyn ac wedi cwblhau nifer o gomisiynau cerfluniau.

Bu hefyd yn gyflwynydd teledu ar bynciau hanesyddol a diwylliannol; roedd yn Ymgeisydd dros Blaid Cymru yn etholiad Cynulliad Cenedlaethol 1999 ar gyfer Etholaeth Brycheiniog a Sir Faesyfed ac ers sawl blwyddyn, arweinodd David y ddirprwyaeth Gymreig i Ŵyl Interceltique de Lorient yn Llydaw.

Y tâl mynediad,i gynnwys coffi a bisgedi ar ôl y sgwrs, yw £8 i’r Cyfeillion sydd yn archebu ymlaen llaw, a £10 wrth y drws.

Er mwyn manteisio ar y pris gostyngedig hwn, dychwelwch y daflen isod gyda’ch siec at:
Gwen Williams, 57 Beulah Road CAERDYDD CF14 6LU;
Ffôn: 029 2062 0094 Symudol: 07802 437316 E-bost: gwen.williams@friendsmuseumwales.org.uk.

I arbed costau postio, ni fydd cydnabod. Gwnewch ymdrech i ddod – a dewch â’ch ffrindiau hefyd, gan fod y digwyddiad yn agored i’r cyhoedd am dâl o £10 (ymlaen llaw neu wrth y drws). Bydd croeso cynnes iddynt.

Cyfeillion Amgueddfa Cymru

Sgwrs gan y Cerflunydd David Petersen - 'My Life in Metal'
Ddydd Sadwrn 16eg Chwefror 2019 am 10.30am
DS yn y Ddarlithfa Cemeg, Prifysgol Caerdydd DS
NID THEATR REARDON SMITH

Carwn archebu ..……… (l)le ar gyfer y digwyddiad uchod. Amgaeaf siec am £ ……….
(yn daladwy i 'Cyfeillion Amgueddfa Cymru').

Enw(au) ………………………......………………………………………………………………………

Cyfeiriad ………………………….....…………………………………………………………………….

Cod post …...………….....……. Ffôn ………………………. Ebost …………………………………

Cadarnhaf fy aelodaeth wedi ei thalu’n llawn o Cyfeillion Amgueddfa Cymru.

Lawrlwytho'r manylion hyn a ffurflen archebu (rhaid i chi fod yn Gyfaill i dderbyn y pris gostyngedig)